Industriell økologi
Fagområdet industriell økologi tek opp miljøspørsmål knytt til industrielle system og industriprodukt. Ved Vestlandsforsking har vi særleg forska på korleis konkrete produksjonsprosessar og produkt kan bli meir klima- og miljøvenlege. Vestlandsforsking var tidleg ute med å introdusere temaet transport og mobilitet i samanheng med industriell økologi. Livsløpanalysar (LCA) er ein sentral forskingsmetode på dette området. Vi utviklar LCA-studiar i samsvar med ISO 14040 og 14044.
Vi har i mange samanhengar utført miljøvurderingar av alternativ teknologi, til dømes analysar av miljø- og helserisikoen knytt til stoff som kan erstatte miljøfarlege og helseskadelege stoff i elektronikkprodukt. Vestlandsforsking har m.a. koordinert EU-prosjektet Europe-China Cooperation in Green Electronics Production Research (EC-GEPRO). Vi har elles gjort livsløpsvurderingar av ny produksjonsteknologi for mikroprosessorar og solceller.
Vestlandsforsking tilbyr utforming av Miljøvaredejkarasjonar (EPD) i samsvar med ISO 14025-standarden, og i tillegg tilbyr vi verifisering av slike deklarasjonar. Om du er interessert i utforming eller verifisering av EPD'ar, ber vi deg om å ta kontakt med seniorforskar Fredrik Moltu Johnsen.