Klimatilpassing

Noraddapt logo

Vestlandsforsking har frå 2018 eit nasjonalt kunnskapssenter for klimatilpassing. Norsk senter for berekraftig klimatilpassing (Noradapt) samlar fleire av landets fremste fagmiljø innan klimatilpassing. Senteret spring ut av eit stort behov for å skaffe og samle brukarretta kunnskap om korleis samfunnet kan tilpasse seg dei forventa klimaendringane utan å kome i konflikt med målet om ei berekraftig utvikling.

Partnarane i Noradapt er CICERO Senter for klimaforskningNordlandsforskningSenter for klima og energiomstilling (CET) ved Universitetet i Bergen, NORCE KlimaNORCE SamfunnSINTEF Community (tidl. Byggforsk), Høgskulen på Vestlandet og NTNU (Institutt for geografi). Vestlandsforsking står for drift av senteret, med Carlo Aall som senterleiar. Les meir om senteret her.

Vestlandsforsking var mellom dei første fagmiljøa i landet til å forske på korleis samfunnet kan tilpasse seg endringar i vêr og vêrmønster. Vestlandsforsking har òg vore blant dei leiande forskingsmiljøa på feltet berekraftig utvikling. Sidan 2005 har vi samarbeidd med kommunar, private og offentlege verksemder, organisasjonar og styresmakter for å bidra til eit godt kunnskapsgrunnlag om berekraftig tilpassing til klimaendringar. Vårt bidrag er i hovudsak samfunnsvitskapleg, men vi har tette band til naturfaglege miljø.

Gjennom arbeidet med lokal klimasårbarheit og klimatilpassing, er beredskap og samfunnstryggleik òg blitt viktige forskingstema. Vestlandsforsking har mellom anna bidrege til å formidle stoff på den nasjonale portalen www.klimatilpasning.no og har utført fleire store utgreiingar for KS FoU på dette fagområdet.

Tett samarbeid med offentlege, regionale verksemder har vore viktig på området berekraftig klimatilpassing sidan starten. Dei viktigaste har vore Fylkesmannen i Sogn og Fjordane – no Fylkesmannen i VestlandSogn og Fjordane fylkeskommuneKS Sogn og Fjordane, Innovasjon NorgeStatens vegvesen region vestNVE region vestNorsk Bremuseum og Høgskulen på Vestlandet. Samarbeidet har vore organisert som ein regional partnarskap. Sidan 2016 har partnarskapen arrangert ein årleg, nasjonal konferanse i Sogndal om klimaomstilling.

 

Artiklar

  • Axis

    UNCHAIN-prosjektet vart presentert på eit oppstartsmøte for alle prosjekta som har fått løyvd midlar frå den siste ERANET AXIS-utlysinga.

  • Menneske saman i konferanserom

    Klimaendringane gjer det vanskelegare å dyrke mat i store delar av verda og tvingar bøndene til å tilpasse seg nye vêrmønster. Dette er ei felles sak for Utviklingsfondet og Noradapt, som nyleg møttest hjå Vestlandsforsking for å bli betre kjende og vurdere framtidig samarbeid.

  • Foto av prosjektdeltakarar

    Vestlandsforsking har nyleg starta eit nytt forskingsprosjekt der klimarisiko og lokalkunnskap står sterkt. Det første møtet mellom forskarane frå sju ulike land, fann stad i Wien 12.-13. september.

  • Iselin Nybø gestikulerer i ved møtebord framføre presentasjon

    Minister for forsking og høgare utdanning, Iselin Nybø, besøkte tysdag Vestlandsforsking for å få innblikk i arbeidet ved det nye klimatilpassingssenteret.

  • Forskar tek vasspøve

    Sogn og Fjordane Fylkeskommune og Vestlandsforsking får 2,9 millionar kroner av Regionalt forskingsfond vest til å utvikle nye forvaltingsverktøy for å kartleggje og vurdere korleis klimaendringane leier til spreiing av miljøgifter i elvane, vatna og fjordane våre.

  • Rådsmedemmar

    Vestlandsforskning er no representert i Norsk klimastifting sitt råd.
    Rådet er deira formelle nettverk, sett saman av landets fremste universitet, høgskular, forskingssenter og andre sentrale samfunnsaktørar.