Vestlandsforsking er medarrangør og har fleire roller i Fjordkonferansen i Loen 6.-7. juni. Den tverrfaglege konferansen har i år temaet regional konkurransekraft.
- Det er viktig for oss på Vestlandsforsking å formidle kunnskap vi utviklar om tema som er særleg relevante for Vestlandet, seier Øyvind Heimset Larsen, som har vore med på å planlegge årets konferanse.

Direktørane for dei regionale samfunnsvitskaplege institutta reagerer sterkt på regjeringa sitt framlegg om å avvikle Regionale forskingsfond.
– I ei tid der store utfordringar står i kø, treng vi verkemiddel som kan bidra til omstilling og innovasjon over heile landet. Å avvikle verkemiddel som nettopp bidreg til dette, er særs uheldig, skriv dei i ein uttale om framlegget til statsbudsjett for 2024.

Også i år deltok mange ved Vestlandsforsking på Fjordkonferansen, der forskarar frå høgskular, universitet og forskingsinstitutt på Nordvestlandet kjem saman for å dele kunnskap om tema dei forskar på, gjerne på norsk, og for å diskutere og lære av kvarandre. Også i den siste utgåva av Fjordantologien er instituttet sterkt representert.