I kapittelet utforskar vi erfaringar med brukardriven innovasjon og designtenking i utviklinga av kulturopplevingar i Norheimsund i Hardanger og Kaupanger i Sogn. Gjennom ein open innovasjonsprosess blei nye idéar utvikla, pro-totypar testa og samarbeid styrkte. Funn viser at metoden stimulerer til nytenking, eigarskap og betre ressursutnytting, men er ressurskrevjande og krev tett oppfølging. Testing gav god innsikt i moglege justeringar av kulturopplevingar før kommersialisering. For å gjere metodikken meir tilgjengeleg kan nettverkssamarbeid, frivillig mobilisering og prosjektfinansiering vere løysingar. Konklusjonen er at brukardriven innovasjon kan gje kulturinstitusjonar auka innovasjonskompetanse, verdifulle pers-pektiv og styrkt attraktivitet for både lokalsamfunn og reisemål.