Opplevingsturisme

Forskinga vår på opplevingsturisme har som mål å styrke kunnskapen om korleis meir aktiv bruk av natur- og kulturressursar kan gje grunnlag for auka verdiskaping i eit berekraftig norsk reiseliv.

Det finst til dømes lite systematisk og forskingsbasert kunnskap om kvalitet og profesjonalitet hjå den delen av norsk reiselivsnæring som tilbyr aktivitetar i naturen. Med dette som bakgrunn har vi vore involverte i eit treårig forskningsprosjekt som skal bidra til utviklinga av eit sertifiseringssystem for naturbasert opplevingsturisme. Vi har jobba med dei sentrale bedriftsklyngene i landet for å auke kvalitet, profesjonalitet, tryggleik, lønsemd og berekraft i naturbasert opplevingsturisme.


 

Publikasjonar

Prosjekt

Artiklar

  • museum

    Sognebygdene er rike på kulturarv og opplevingar i skjeringspunktet mellom natur og kultur. Kaupanger i Sogndal kommune har både stavkyrkje, folkemuseum og vitensenter innafor kort avstand. Men korleis kan desse attraksjonane brukast meir medvite for å styrke bulyst og stadidentitet? Det skal Vestlandsforsking og tre lokale aktørar sjå på i eit nytt forprosjekt.

  • kvinner utandørs

    Kan eit par netter i telt og rundt leirbålet gjere ei skilnad for menneske som er i ein vanskeleg livssituasjon, som slit med å meistre kvardagen eller er einsame? Ein polsk organisasjon prøver ut norsk-inspirert friluftsliv som ei form for gruppeterapi. Kunnskapen om friluftsliv hentar dei mellom anna frå Vestlandsforsking.

  • Skigåarar i vinterfjellet

    Kva slags risiko vil ein møte i fjellet i framtida? Forskarar ved Vestlandsforsking skal vere med på å studere korleis klimaendringane endrar risikoen for snøskred og andre farlege hendingar i høgfjellet.

  • bre turisme guida tur

    Norsk reiseliv vil bli påverka av klimaendringane i åra framover, men òg av ein strengare klimapolitikk. – Likevel har næringa ingen felles strategi for korleis dei skal møte endringane, seier seniorforskar Eivind Brendehaug ved Vestlandsforsking.

  • Turgåar på veg ned Aurlandsdalen

    Turgåarane som går dagsturen gjennom Aurlandsdalen, er godt nøgde med tilrettelegging og vedlikehald av stiar, viser ei undersøking Vestlandsforsking har gjennomført. - Når det gjeld reisa til og frå området, kan ting likevel bli betre, seier seniorforskar Agnes Brudvik Engeset.

  • Snø i solnedgang, tre bakom

    Ei ny, nettbasert teneste viser kor mykje snø, sludd og regn dei viktigaste skiområda i Noreg kan vente seg mot midten og slutten av hundreåret. Tenesta er utvikla av forskingsprosjektet ClimTour, som Vestlandsforsking leier. - Dei som ligg nær kysten og lågt i terrenget vil dessverre oppleve aukande problem, seier prosjektleiar Eivind Brendehaug.