Noradapt og Vestlandsforsking er til stades på Arendalsuka 2024, og på eit arrangement 15. august tek vi opp kor vidt Noreg har auka innsatsen i klimatilpassinga etter dei store øydeleggingane under “Hans” og utgjevinga av den andre stortingsmeldinga om temaet. Senterleiar Carlo Aall og Vestlandsforsking-direktør Anne Karin Hamre inviterer nasjonale nøkkelpersonar til debatt.

Ein aktiv fylkeskommune er avgjerande for klimatilpassingsarbeidet i kommunane, viser ny forsking frå Noradapt.

Med utgangspunkt i industrikommunen Årdal skal Vestlandsforsking bidra til å utvikle ein ny, samla metode for å vurdere risikoen som følgjer med klimaendringar, tap av naturmangfald, og omstilling av samfunnet.
– Så vidt vi har klart å finne ut, er det aldri laga en slik metode før, seier Noradapt-leiar Carlo Aall.

Noradapt har utvikla eit nytt verktøy som viser kor langt ein har kome i arbeidet med klimatilpassing i i ulike delar av samfunnet. Bror Kristian Tandberg ved Vestlandsforsking presenterte tenesta på den nasjonale konferansen #Klimaomstilling2024 i Sogndal 23. april.

23.-24. april er det klart for ei ny utgåve av den nasjonale konferansen #Klimaomstilling2024 i Sogndal, som samlar folk frå ulike sektorar som jobbar med klimarelaterte spørsmål. Hovudtemaet i år er “Areal på raudlista”. - Den siste tida har det blitt større medvit om at areal spelar ei viktig rolle både når det gjeld klimatilpassing og reduksjon av klimagassar, seier Carlo Aall i programkomiteen.

Det var ein engasjert kronprins som vitja Campus Sogndal onsdag morgon. Der møtte han forskarar frå Vestlandsforsking og Høgskulen på Vestlandet til ein samtale om klimaendringar under leiing av direktør Anne Karin Hamre.