Noradapt har for andre år på rad rangert klimainnsatsen til norske kommunar. Den viser at dei kommunane som er mest påverka av klimaendringar, også er dei som gjer mest for å tilpasse seg.

Kystkommunane på Vestlandet får det verst, med krevjande klimaendringar og låg innsats for klimatilpassing.

Påverknad, innsats og risiko

Tala blei presentert i Arendal 15. august og er brotne ned på tre forhold:

• Kor påverka kommunen blir av klimaendringar i nær (2050) og fjern (2100) framtid
• Kor stor innsats kommunen legg ned
• Kor stor «klimarisiko» kommunen er utsett for i nær og fjern framtid
   

Sterkast respons hos dei mest påverka

– Dei som er mest påverka er også dei med sterkast respons, seier NTNU-professor og gjesteforskar hjå Vestlandsforsking, Jan Ketil Rød, til NRK. Han presenterte dei nye tala på vegner av Noradapt i Arendal 15. august.

Les meir på Norsk klimamonitor

Her kan du sjå hva for kommunar som ligg og dårlegast an

Oppdaterer grunnlaget

Riksrevisjonen har i sommar kritisert regjeringa for svak samordning i klimatilpassingsarbeidet. Støre-regjeringa har sett ned ei arbeidsgruppe for å oppdatere kunnskaps- og avgjerdsgrunnlaget i møte med fleire og større flaumar.

Les NRK si sak om kommunerangeringa