Teknologi og samfunn

I gruppa teknologi og samfunn forskar vi på digitalisering og teknologi i samfunnsperspektiv. Vi er 13 forskarar som jobbar i tverrfagleg samarbeid mellom informatikk og teknologifag, realfag, samfunnsfag og humanistiske fag.

Hovudområda er knytt til tema som stordata og nye teknologiar sine bidrag til innovasjon i næringslivet og grøn omstilling; utforsking av korleis digitalisering kan gjere offentlege tenester betre, meir effektive og tilgjengeleg; digitalisering som verkemiddel i regional utvikling; og studiar av kjønn og mangfald i eit stadig meir digitalisert samfunn og arbeidsliv.

Teknologi og samfunn har nært samarbeid med regionale og nasjonale aktørar i privat og offentleg sektor. Vi samarbeid med forskarar i nasjonale og internasjonale nettverk etablert gjennom ei lang rekke prosjekt.

 

Publikasjonar

Prosjekt

Artiklar

  • Gullmynt med Bitcoin-symbol blant andre myntar

    Seniorforskar Svein Ølnes stilte 15. september som ekspertvitne i ei rettssak utanom det vanlege i Oslo tingrett. Saka har koplingar til det internasjonale bitcoinmiljøet og til eitt av internetts største uløyste mysterium: Kven skapte den digitale valutaen bitcoin?

  • Robot i tunnel, bringebærplanter i bakgrunnen og publikum som ser på og tek bilete.

    Under ein gjennomsiktig teltduk i bakkane over Sognefjorden, blir lange rekker av slanke, høge bringebærskot overvaka av ein liten, gul robot. På det nyopna testanlegget jobbar forskarar med å utvikle framtidas bærnæring, med hjelp frå lokale bønder.

  • Ei gruppe kvinner i akademia står oppstilt og smiler

    Kvinner har lenge vore i mindretal i teknologiorientert arbeid, også i likestilte Norden. Dette paradokset var utgangspunktet for eit femårig forskingssamarbeid med universiteta i Uppsala og Tampere.
    – Eit av dei mest spennande funna våre er at kvinner finn ukonvensjonelle vegar inn i denne typen arbeid, seier seniorforskar Gilda Seddighi.

  • bær og robot

    Om nokre år er det ikkje sikkert at det er menneskehender som haustar bringebæra på Vestlandet. Framsteg på felt som robotikk, stordata, plantevitskap og teknologi gjer det realistisk at robotar blir ein del av frukt- og bærproduksjonen. I mai inviterer Teknoløft Sogn og Fjordane til to dagars workshop om temaet, og til opning av eit testanlegg for robotar i Sogn.

  • Person med varme kle og hette sit med fjellski og ser ut over vinterfjord frå snølagt fjellplatå. Sol og blå himmel, seint på dag.

    Vestlandsforsking har fem ledige stillingar med søknadsfrist på ulike tidspunkt i april. Forskarstillingane er på områda klimaomstilling, reiseliv og stordata. I tillegg kjem ei traineestilling innan stordata.

  • Middelaldrande kvinne med open bok i hendene. Stabel med fagbøker attmed på eit bord.

    Hilde G. Corneliussen tok 1. mars over rolla som forskingsleiar for teknologi og samfunn. Det inneber å delta i leiinga av instituttet og rettleie ei gruppe på 10 forskarar i spørsmål knytt til forskingsmetode, vitskapleg publisering og formidling av funn.