Denne veka møttest forskarar frå forskingsprosjektet Just Transform i Sogndal for å diskutere funn i prosjektet som dreier seg om samspelet mellom det grøne og digitale skiftet i næringslivet. Ti forskarar frå Vestlandsforsking, Norce, Cambridge University og Universität St.Gallen deltok på samlinga.

Kva utfordringar kan oppstå når arbeidsplassen innfører kunstig intelligens? Vestlandsforsking og Nordlandsforsking skal samarbeide om ei kunnskapsoppsummering som kan hjelpe Noreg å være i front på etisk og trygg bruk av kunstig intelligens.

Framleis vel for få jenter å studere teknologifag, medan arbeidsplassar som krev teknisk kompetanse, skrik etter kvinner. Prosjektet "Teknojenter" har som mål å endre dette biletet i Sogn.
– Forsking viser at jentene treng eit ekstra dytt for å sjå at teknologiutdanning er nokon for dei. Difor er det av og til viktig å ha fokus på berre dei, seier forskar Torunn G. Hønsi frå Vestlandsforsking om arrangementet på ViteMeir 7. mars.

– Vi treng fleire unge som vel utdanningar og yrke knytt til teknologi, og då må vi få fleire jenter inn i teknologifaga, seier Hilde G. Corneliussen. Før jul starta ho og kollega Torunn G. Hønsi opp prosjektet "Teknojenter" saman med ei rekkje samarbeidspartar i Sogn.

Kan vi ta i bruk kunstig intelligens for å ta betre avgjerder i situasjonar som er kritiske for samfunnet? Dette er kjernen i eit senter Vestlandsforsking og 20 partnarar ønskjer å skipe i Sogndal. Søknaden som nyleg gjekk til Forskingsrådet er ein av 50 søknader på milliarden regjeringa har sett av til eit knippe nye KI-senter.