Under konferansen Klimaomstilling 2023 i Sogndal inviterer Vestlandsforsking til klimakveld på Quality Hotel Sogndal, med stikkord som bokbad, radikal klimaaktivisme og scenekunst om verdsøkonomiens skeive gang frå byrjinga til i dag. – Dette trur vi har brei appell blant alle som er opptekne av klimasaka, seier Tone Rusdal, koordinator for konferansen.

Vestlandsforsking står bak to større arrangement i Sogndal i mai. I tillegg til den nasjonale konferansen #Klimaomstilling 3.-4. mai, held instituttet si forskingsgruppe for kunstig intelligens og stordata eit internasjonalt symposium 9.-10. mai. Dit kjem fagfolk frå tolv ulike land.

– Reiselivet er den første sektoren som får eit nasjonalt styringsdokument som tek klimaomstilling på alvor, seier leiande seniorforskar Carlo Aall ved Vestlandsforsking. Reisemålsutvalet la 30. mars fram ein ny NOU med forslag til korleis reiselivet her til lands bør utvikle seg.

Kva slags risiko vil ein møte i fjellet i framtida? Forskarar ved Vestlandsforsking skal vere med på å studere korleis klimaendringane endrar risikoen for snøskred og andre farlege hendingar i høgfjellet.

Giftstoff og verknaden av dei har følgt Torunn G. Hønsi gjennom heile yrkeslivet. Nyleg vart øko-toksikologen gruppeleiar for teknologi- og samfunnsforskarane ved Vestlandsforsking. Ho gler seg til å lage nye koplingar mellom områda miljø og teknologi.

– Det er litt kjekt at me er tre i ein slik situasjon, seier stipendiatane Tara, Torbjørn og Bjørn Christian. Dei tre er i gang med kvar sin doktorgrad ved Vestlandsforsking. Takka vere nye doktorgradsprogram ved Høgskulen på Vestlandet, kan dei ta kursa sine lokalt.

Klima- og miljøforskinga ved Vestlandsforsking skal styrkast med fleire tilsette, både med og utan doktorgrad. Danske Irmelin Gram-Hanssen kom til instituttet for eit halvt år sidan, etter fleire år som stipendiat ved Universitetet i Oslo.
– Eg føler at eg er komen til ein arbeidsplass der perspektiva mine er blitt sett pris på, og der både kollegaer og leiinga er interesserte i å lytte, seier ho.

Den nasjonale konferansen #Klimaomstilling2023 tek for seg korleis vi kan klare å innfri klimamåla. – Innan 2030 skal Norge kutte 55 prosent av utsleppa, og må verkeleg trappe opp klimaarbeidet om vi skal nå dette målet i tide. Samtidig må vi sikre at omstillinga ikkje går ut over andre viktige verdiar, som sosial rettferd og natur, seier arrangør Tone Rusdal ved Vestlandsforsking.

Bur du i Sunnfjord, Kinn eller Osterøy og har ein smarttelefon? Då kan du dele foto og observasjonar om vêr med forskarar.

– Flyselskapa bør ikkje lenger tilby billige billettar. Berre ved å ta meir for kvart sete, kan næringa kome i gang med klimaomstilling, meiner reiselivsforskar og professor Stefan Gössling ved Vestlandsforsking.

– Å vere trainee er ein måte å prøve forskarrolla på utan å bli sleppt rett ut på djupt vatn, seier Torbjørn Selseng. Han kom sjølv til instituttet gjennom denne ordninga for tre år sidan. No er ei ny traineestilling lyst ut med 15. mars som søknadsfrist.

Norsk reiseliv vil bli påverka av klimaendringane i åra framover, men òg av ein strengare klimapolitikk. – Likevel har næringa ingen felles strategi for korleis dei skal møte endringane, seier seniorforskar Eivind Brendehaug ved Vestlandsforsking.