Kan vi ta i bruk kunstig intelligens for å ta betre avgjerder i situasjonar som er kritiske for samfunnet? Dette er kjernen i eit senter Vestlandsforsking og 20 partnarar ønskjer å skipe i Sogndal. Søknaden som nyleg gjekk til Forskingsrådet er ein av 50 søknader på milliarden regjeringa har sett av til eit knippe nye KI-senter.

Teknologi- og samfunnsgruppa ved Vestlandsforsking har fått to nye medlemmer frå kvar sin verdsdel. Medan Dante Della Vella kjem frå Ohio i USA, har Cheshta Arora flytta til Sogndal frå den indiske hovudstadsregionen.

Med ei internasjonal karriere, 16 publiserte fagbøker og eit stort, globalt nettverk, er Rajendra Akerkar blant Sogndals største forskarstjerner. No jobbar professoren for å rekruttere yngre forskarar til det lovande forskingsfeltet stordata, der målet no er å bidra til innovasjon og verdiskaping i vestlandske bedrifter.

Når det skjer noko alvorleg, hastar det å få varsla folk i området. I eit nytt, stort prosjekt bidreg Vestlandsforsking til testing av ny teknologi for befolkningsvarsling. Systemet er utvikla av eit selskap i Nordfjord og tek utgangspunkt i DAB-nettet.
– Prosjektet knyter saman Vestlandsforsking sine tre hovudområde, seier Anna Maria Urbaniak-Brekke, som koordinerer instituttet sitt bidrag.