– Vi har bede sentrale fagfolk i Norge om å sjå ti år bakover på klimaarbeidet og ti år framover, seier Carlo Aall. Saman med andre aktørar i Vestland inviterer Vestlandsforsking og Noradapt til ei jubileumsutgåve av konferansen Klimaomstilling 6. og 7. mai. Er du rask med å melde deg på, får du spesialpris.

Korleis bør Sogndal sitt skiparadis bli i framtida? Det er mange opptekne av, og dei ser for seg mykje ulikt. Vestlandsforsking følgjer utviklingsarbeidet til kommunen, og har arrangert ein nytenkande arbeidsverkstad om korleis framtidas Hodlekve skal sjå ut.

Ein ny metode gjer det enklare å analysere klimarisiko saman med folk frå lokalsamfunna det handlar om. Arbeidsforma gjer det òg enklare å finne fram til tiltak som kan dempe risikoen.

UNCHAIN-prosjektet vart presentert på eit oppstartsmøte for alle prosjekta som har fått løyvd midlar frå den siste ERANET AXIS-utlysinga.

Klimaendringane gjer det vanskelegare å dyrke mat i store delar av verda og tvingar bøndene til å tilpasse seg nye vêrmønster. Dette er ei felles sak for Utviklingsfondet og Noradapt, som nyleg møttest hjå Vestlandsforsking for å bli betre kjende og vurdere framtidig samarbeid.

Medan omgrep som "flyskam" spreier seg mellom folk flest, viser ny forsking at ein veksande global elite flyg mange tusen gonger meir enn gjennomsnittet. Professor Stefan Gössling har henta inn reisedata frå ti av dei største kjendisane sine sosiale media og rekna ut klimakonsekvensar.

Nedfallsfrukt. Treflis. Rekeskal. Slam frå fiskeoppdrett. Slike biprodukt og biologisk avfall kan vera både kostnadskrevjande og vanskeleg å bli kvitt. Vestlandsforsking tilbyr gjennom EU-prosjektet ENABLING rådgjeving frå verdsleiande ekspertar, via ein open og kostnadsfri nettportal.