Reiselivsnæringa på Svalbard kan gå ei lys framtid i møte, sjølv om klimaendringar, strengare regelverk og tøffare marknad skaper ei rekke utfordringar. Det viser forsking gjort gjennom prosjektet «Berekraftig turisme på Svalbard - ein balansekunst», som undersøker nettopp korleis reiselivsnæringa kan skape nye og berekraftige løysingar i møte med ei ny verkelegheit.

Smart teknologi spelar ei viktig rolle i landbruket sin del av det grøne skiftet. Nyleg fekk ei avdeling frå Landbruks- og matdepartementet høyre om spennande, ny forsking på teknologien som står sentralt i denne overgangen, og forsking på klimatilpassing og klimarisiko som kryssar landegrenser.

Kva kommunar blir mest påverka av klimaendringar i framtida? Kven er mest sårbare for det som kjem? Og kven gjer mest for å tilpasse seg? Dette svarar vi på i Noradapt si aller første klimarangering av norske kommunar, som no er klar.

Denne våren er den unge geografen Christiane Meyer-Habighorst ein del av klima- og miljøgruppa ved Vestlandsforsking. Medan ho er i Sogndal, håpar ho å lære mest mogeleg – og få seg mange fine turar på ski.

Noradapt har etablert eit internasjonalt vitskapsråd med fem toppforskarar med spisskompetanse på ulike sider ved berekraftig tilpassing til klimaendringane. Leiaren for rådet er Sirkku Juhola, professor i urban miljøpolitikk ved Universitetet i Helsinki. Forskingssenteret Noradapt samlar landets fremste forskingsmiljø innan klimatilpassing, og Vestlandsforsking har ansvar for drifta.