Polarekspedisjonar, forskingsetikk og mangfald og likestilling i akademia var ingrediensane i Vestlandsforsking-dagen 2021. – Eit viktig mål for denne dagen er å bygge instituttkultur, seier direktør Anders-Johan Almås.

Då Vestlandsforsking undersøkte likestilling, inkludering og mangfald blant eigne tilsette, peika eitt trekk seg ut: Tilsette står svært fritt når det gjeld kor og korleis dei gjennomførerer arbeidet sitt. Slik var det også før pandemien. Fridomen gjer det lettare å kombinere jobb og familieliv og bidreg til god trivsel, viser kartlegginga instituttet har gjort i eigne rekker.