Bør utviklinga av kunstig intelligens få halde fram i dagens tempo? Og korleis kan vi bruke teknologien til å løyse store samfunnsproblem? Slike spørsmål stod sentralt då professor Rajendra Akerkar samla ei rekkje internasjonale ekspertar innan kunstig intelligens i Sogndal 9. og 10. mai.

Dei nytilsette stordataforskarane Bjørn Christian Weinbach og Malin Waage deler både kontor og visjonar for stordata i næringslivet i Sogn og Fjordane. – Malin er ein forskar som vil bryne seg på programmering, medan eg er ein programmerar som gjerne vil bryne meg på forsking, oppsummerer Bjørn Christian.

Denne veka startar eit større forskingsprosjekt som skal utvikle nye metodar for å stoppe skadeleg innhald på nettet, som netthets, hatprat og feilinformasjon. Prosjektet har ei ramme på 19 millionar kroner og er leia av Vestlandsforsking.
– Det er eit ambisøst prosjekt som kombinerer forsking og innovasjon for å bidra til å løyse eit stort samfunnsproblem, seier prosjektleiar Rajendra Akerkar.

Under ein gjennomsiktig teltduk i bakkane over Sognefjorden, blir lange rekker av slanke, høge bringebærskot overvaka av ein liten, gul robot. På det nyopna testanlegget jobbar forskarar med å utvikle framtidas bærnæring, med hjelp frå lokale bønder.

Forskingsrådet har tildelt over 19 millionar kroner til eit nytt forskingsprosjekt om kunstig intelligens, stordata og sosiale medium leia av Vestlandsforsking. Prosjektet skal utvikle metodar for å avdekke og stoppe hatprat og radikalisering via nettet.