Vestlandsforsking var sterkt til stades under Arendalsuka 2024, med seks arrangement om klima og miljø. På eitt av dei deltok statsråd Andreas Bjelland Eriksen. – Arendalsveka gav oss eit godt høve til å formidle forskinga vår, og vi er særs nøgde med deltakinga på arrangementa våre, seier direktør Anne Karin Hamre.

– Vi treng meir heilskapleg kunnskap om korleis endringar i arealbruk verkar inn på naturen og om korleis vi kan innrette arealbruken vår for å løyse klima- og naturkrisa, seier seniorforskar Kyrre Groven. Funnet kjem fram i ei kunnskapsoppsummering Vestlandsforsking har gjort for Forskingsrådet.