Denne veka møttest forskarar frå forskingsprosjektet Just Transform i Sogndal for å diskutere funn i prosjektet som dreier seg om samspelet mellom det grøne og digitale skiftet i næringslivet. Ti forskarar frå Vestlandsforsking, Norce, Cambridge University og Universität St.Gallen deltok på samlinga.

Blant menn som spelar dataspel, finst det ein maskulin kultur som står i opposisjon til framveksande krav om mangfald og inkludering. I eit nytt forskingsprosjekt med Universitetet i Bergen skal Vestlandsforsking bidra til større innblikk i korleis denne gruppa ser på seg sjølv og samfunnet.

Heilt tilfeldig oppdaga forskingsleiar Hilde G. Corneliussen at den nye fagboka hennar om kvinner sin veg til IT-sektoren var publisert. Boka hadde berre ligge ute i fire dagar, men var alt lasta ned av over 500 personar.
– Veldig kjekt, og heilt annleis enn å publisere vitskaplege artiklar, seier ho.

Teknologi- og samfunnsgruppa ved Vestlandsforsking har fått to nye medlemmer frå kvar sin verdsdel. Medan Dante Della Vella kjem frå Ohio i USA, har Cheshta Arora flytta til Sogndal frå den indiske hovudstadsregionen.

Sosiologistudent Mathea Endeberg fekk sin første smak av arbeidslivet gjennom arbeidslivsretta praksis ved Vestlandsforsking i oktober og november. På dei sju vekene rakk ho å utforme og gjennomføre ein survey til teknologistudentar og analysere svara som kom inn.
– Eg har ikkje gjort noko liknande før. Det har vore spennande å vere med frå start til slutt, seier Mathea.