Den urolege situasjonen på den internasjonale scenen var merkbar under den tiande utgåva av konferansen #Klimaomstilling i Sogndal 6.-7. mai.
– Det som skjer rundt oss, er frykteleg alvorleg. Det er heilt avgjerande at vi i Europa klarer å samle oss og syne leiarskap no, sa direktør Anne Karin Hamre ved Vestlandsforsking då ho opna konferansen.

Vestlandsforsking er i ferd med å bygge seg opp på eit nytt felt innan klima- og miljøforsking. I to større prosjekt er temaet korleis endringar i arealbruk kjem i stand og korleis slike prosessar kan bli meir rettferdige.
– Areal er nøkkelen til å løyse både klima- og naturkrisa, seier prosjektleiar Halvor Dannevig.

Med utgangspunkt i industrikommunen Årdal skal Vestlandsforsking bidra til å utvikle ein ny, samla metode for å vurdere risikoen som følgjer med klimaendringar, tap av naturmangfald, og omstilling av samfunnet.
– Så vidt vi har klart å finne ut, er det aldri laga en slik metode før, seier Noradapt-leiar Carlo Aall.

Framtida til skiområdet Hodlekve skal utformast, og gjennom eit nytt, europeisk forskingsprosjekt leia av Vestlandsforsking, skal forskarane studere korleis Sogndal kommune inviterer innbyggarar med i prosessen. – Prosjektet handlar om å jobbe med naturbaserte løysingar på ein måte som gjer at fleire får stemma si høyrt. Vi skal òg utvikle ein metode som kan handtere interessekonflikt på ein konstruktiv måte, seier prosjektleiar Irmelin Gram-Hanssen.

23.-24. april er det klart for ei ny utgåve av den nasjonale konferansen #Klimaomstilling2024 i Sogndal, som samlar folk frå ulike sektorar som jobbar med klimarelaterte spørsmål. Hovudtemaet i år er “Areal på raudlista”. - Den siste tida har det blitt større medvit om at areal spelar ei viktig rolle både når det gjeld klimatilpassing og reduksjon av klimagassar, seier Carlo Aall i programkomiteen.

- Det trengst ei radikal omlegging av arealplanlegginga, sa Karen Richardsen Moberg då ho leverte prøveførelesinga si og disputerte ved NMBU 15. desember. Ein må hente fram att verktøy som har ligge nedstøva i verktøykassa sidan det nyliberale inntoget på 1980 og -90-talet, og finne alternativ til vekst viss vi skal greie å redusere tap av natur og artar og redusere belastninga på klimaet, sa Karen frå podiet.