Her er logoen til DREIS, laga av ulike naturmateriale brukt i reipslaging ved HFS, f.v: kokos, manila, bomull, hamp, papir, tjæra hamp, hampefiber.

DREIS er eit prosjekt som vil undersøke korleis immateriell kulturarv, som tradisjonshandverk og gamal kunnskap omnaturmaterialer kan spele ei rolle for meir berekraftig vareproduksjon og styrke det kulturbaserte reiselivet i Kvam. Vestlandsforsking vil samprodusere kunnskap med kulturforvaltarar, kulturformidlarar og handverkarar ved Hardanger og Voss museum (HVM) og Hardanger Fartøyvernsenter (HFS) og kultur- og næringsavdelinga i Kvam herad. Prosjektet vil samle og systematisere data om tilgjengeleg biomateriale i Kvam, som kan nyttast i ulike former for handverksproduksjon. Vi vil særleg sjå på om lokale fibermateriale, t.d. råull frå gamalnorsk spelsau, hestetagl, lin, lind, nesle, kan inngå i produksjonen av naturtau ved HFS, og erstatte bruk av importerte hampefiber frå Kina. Målet for HFS er å auke produksjonen av tau ved reiparbana til HFS, lage like sterke og funksjonelle naturtau men med lågare klimafotavtrykk enn det hampetaua dei lagar i dag har. Vi vil bruke designdrevne innovasjonsprosessar til å samskape og skisse prototypar av minst to nye varer/produkt laga av tau frå lokale bioråstoff til det nye besøkssenteret ved HFS. Dei nye designskissene for nye produkt av naturtau, skal stillast ut ved HFS, og vil vise fram både potensialet for produktutvikling basert på tradisjonshandverket reipslaging, men kan også gje ein ny reiselivsattraksjon og brukast i kulturformidlinga til museet. Andre innovasjonar i DREIS er ein enkel database over tilgjengelege bioråstoff med moglege bruksområde innan handverks-/lokalmat-/

Figur 1: Viser oppbygginga av eit hovudprosjekt som vil sjå på mange ulike bioressursar, handverkstradisjonar, biobasert vareproduksjon og kulturbasert reiselivstilbod i kommunar i heile Vestland. Forprosjektet DREIS si avgrensing er vist i grått i figuren.

småskalaproduksjon i Kvam. Vi utviklar også Handverksløypa, eit digitalt kart over handverksbaserte reiselivsopplevingar, som vil fremje kulturturismen i Kvam. Vi vil utvikle nye berekraftsindikatorar for handverksprodukt, som seinare skal inngå i ny metodikk for berekraftsanalyse. Målet med DREIS er å auke berekraftig verdiskaping innan landbruk, varehandel, design, handverk/småskalaproduksjon og det kulturbaserte reiselivet i Kvam