Fylkestinget i Vestland vedtok 4. mars nytt styre for Stiftinga Vestlandsforsking. Den nye styreleiaren er Aleksander Øren Heen frå Senterpartiet, medan Silja Ekeland Bjørkly frå Høgre er nestleiar. Dei andre medlemmene er sterke profilar innan forsking, teknologi, klima, reiseliv og media.

Vestlandsforsking la årets personalsamling til høgfjellet. Nysnø og strålande sol sikra at dei som tok turen til Golsfjellet, fekk fine dagar i lag.

Otto Andersen, forskar ved Vestlandsforsking gjennom 25 år, døydde 28. desember 2019 etter å ha vore sjuk ei kort tid. Her kan du lese eit minneord skrive av kollegaer og vener ved instituttet.

Dei viktigaste vegane i Norge blir jamleg stengde på grunn av flaum og skred. Slike problem er venta å auke med klimaendringane, men ein ny studie Vestlandsforsking og Menon Economics har gjort for Statens vegvesen, viser at talet på slike hendingar kan mangedoble seg dei neste tiåra viss vi ikkje satsar stort på førebygging.

Etter berre fem månader som trainee, starta Torbjørn Selseng året som fast tilsett i Vestlandsforsking. – Eg tykkjer det er utruleg kjekt å forske, seier han.

Vestlandsforsking har saman med ulike partnarar fått løyvingar frå Forskingsrådet til fire nye prosjekt. I tillegg kjem løyvingar til to EU-prosjekt. Til saman vil instituttet motta rundt 13 millionar kroner dei neste fire åra.
– Det er ei fjør i hatten for oss, eit kvalitetsstempel, når vi får tildelingar frå Forskingsrådet og EU. Ekstra kjekt er det når vi får tilslag på prosjekt saman med gode samarbeidspartnarar, seier direktør Anders-Johan Almås.

Då den verdsleiande energiforskaren professor Benjamin Sovacool vart tilsett ved Vestlandsforsking, var det i følgje forskingsleiaren like stort som om Sogndal fotball hadde signert Ronaldo. Denne veka fekk særleg dei yngre forskarane nyte godt av Sovacool si unike erfaring som skribent og publisist. Dei er svært nøgde.