Vestlandsforsking er i ferd med å bygge seg opp på eit nytt felt innan klima- og miljøforsking. I to større prosjekt er temaet korleis endringar i arealbruk kjem i stand og korleis slike prosessar kan bli meir rettferdige.
– Areal er nøkkelen til å løyse både klima- og naturkrisa, seier prosjektleiar Halvor Dannevig.

Vestlandsforsking har gått vidare i konkurransen om å få etablere nasjonale forskingssenter på kunstig intelligens. Før helga vart det kjent at instiuttet er med i tre av søknadene som er valde ut til å gå vidare til det siste steget i Forskingsrådet sin prosess.
– Utruleg gledeleg, seier direktør Anne Karin Hamre.

Forskarar frå Vestlandsforsking jobba i haust fram ein metode for å analysere risiko og sårbarheit for klimaendringar på nasjonalt nivå.
– Vi håpar Noreg kan få ei betre forståing av kva område som treng mest merksemd, slik at ressursane kan brukast på ein meir målretta og effektiv måte, seier leiande seniorforskar Halvor Dannevig ved Vestlandsforsking.

– Vi har bede sentrale fagfolk i Norge om å sjå ti år bakover på klimaarbeidet og ti år framover, seier Carlo Aall. Saman med andre aktørar i Vestland inviterer Vestlandsforsking og Noradapt til ei jubileumsutgåve av konferansen Klimaomstilling 6. og 7. mai. Er du rask med å melde deg på, får du spesialpris.

Korleis bør Sogndal sitt skiparadis bli i framtida? Det er mange opptekne av, og dei ser for seg mykje ulikt. Vestlandsforsking følgjer utviklingsarbeidet til kommunen, og har arrangert ein nytenkande arbeidsverkstad om korleis framtidas Hodlekve skal sjå ut.

- Det trengst ei radikal omlegging av arealplanlegginga, sa Karen Richardsen Moberg då ho leverte prøveførelesinga si og disputerte ved NMBU 15. desember. Ein må hente fram att verktøy som har ligge nedstøva i verktøykassa sidan det nyliberale inntoget på 1980 og -90-talet, og finne alternativ til vekst viss vi skal greie å redusere tap av natur og artar og redusere belastninga på klimaet, sa Karen frå podiet.

Fredag 15. desember kl. 14 kan du sjå disputasen til ph.d.-stipendiat Karen Richardsen Moberg ved Vestlandsforsking via Zoom. Ho forsvarer doktorgraden sin om berekraftig kommunal arealbruksstyring ved Norges miljø- og biovitenskapelige universitet (NMBU).

Han har opplevd kva som kan skje når vatn blir ei mangelvare. Miljø- og samfunnsforskar Joaquin Zenteno Hopp vaks opp i Cochabamba i Bolivia, der innbyggjarane har kjempa for retten til reint vatn i ei årrekke, og der smeltande brear byr på ei usikker framtid.

Forskarar frå prosjektet Shift-Plastics fekk nyleg vere med Rydd Sogn og Fjordane på strandrydding langs kysten utanfor Florø. Blant dei som deltok var trainee Bror Kristian R. Tandberg og bachelorstudent Madeleine Fisher frå Canada, som hospiterte ved Vestlandsforsking i haust.

– Samfunnet skal gjennom eit grønt skifte som på mange måtar er avhengig av digital omstilling. Men vi kjem ikkje i mål utan at denne omstillinga skjer på ein måte som er inkluderande, seier forskingsleiar Hilde G. Corneliussen. I eit nytt, tverrfagleg prosjekt skal forskarar ved Vestlandsforsking, Norce og Universitetet i Cambridge studere korleis arbeidslivet kan gå gjennom dei store omstillingsprosessane på ein måte som utjamnar, snarare enn å forsterke, ulikskap i samfunnet.