Lurer du på kva konklusjonar forskarane trekker etter tre års forsking på plast frå fiskeri og havbruk? No skal funna oppsummerast og delast. Er temaet av interesse, bør du få med deg det digitale sluttseminaret 24. september.

Er du oppteken av korleis Sogndal sitt utfartsområde skal utvikle seg vidare? Bli med når Vestlandsforsking og Sogndal kommune inviterer til open verkstad 3. september!

Torsdag 14. august 2025 arrangerer Vestlandsforsking fleire spennande debattar i Arendal. I år set vi søkelys på berekraftig plasthandtering i fiskeri og havbruk, utfordringar knytt til vekst i norsk reiseliv, vippepunkt for klimatilpassing, grenseoverskridende klimarisiko og villreinforvaltning og naturinngrep.

Vi inviterer òg til ein klimalunsj, der alle som vil er velkomne til ein prat og ein matbit.

Kor stor er faren for flaum og stormflo? Kor sårbar er kommunen når ekstremvêret treff? Og kor utsett er det lokale næringslivet for ei dobling av straumprisen? Eit nytt verktøy gir den enkelte kommunen høve til å vurdere eigen klima- og naturrisiko.

Pandemien tømde Svalbard for tilreisande, men blant dei få som blei verande, var Alexandra Meyer, Vestlandsforsking sitt nyaste tilskot. Slik vart det korte feltarbeidet til ein doktorgrad om korleis innbyggarane på Norge sin arktiske utpost lever medan samfunnet og naturen rundt dei går gjennom store endringar.
– Etter mitt syn er det kjempeviktig at antropologien er med i klimaomstillinga, seier Alexandra.

Vestlandsforsking rundar i år av eit større forskingsprosjekt om sirkulærøkonomi med brei deltaking frå brukarpartnarar i fiskeri- og havbruksnæringa. I denne tematikken fann masterstudent Dikshya Regmi ei problemstilling ho ville utforske.

Den urolege situasjonen på den internasjonale scenen var merkbar under den tiande utgåva av konferansen #Klimaomstilling i Sogndal 6.-7. mai.
– Det som skjer rundt oss, er frykteleg alvorleg. Det er heilt avgjerande at vi i Europa klarer å samle oss og syne leiarskap no, sa direktør Anne Karin Hamre ved Vestlandsforsking då ho opna konferansen.

Vestlandsforsking er i ferd med å bygge seg opp på eit nytt felt innan klima- og miljøforsking. I to større prosjekt er temaet korleis endringar i arealbruk kjem i stand og korleis slike prosessar kan bli meir rettferdige.
– Areal er nøkkelen til å løyse både klima- og naturkrisa, seier prosjektleiar Halvor Dannevig.

Vestlandsforsking har gått vidare i konkurransen om å få etablere nasjonale forskingssenter på kunstig intelligens. Før helga vart det kjent at instiuttet er med i tre av søknadene som er valde ut til å gå vidare til det siste steget i Forskingsrådet sin prosess.
– Utruleg gledeleg, seier direktør Anne Karin Hamre.