Framleis vel for få jenter å studere teknologifag, medan arbeidsplassar som krev teknisk kompetanse, skrik etter kvinner. Prosjektet "Teknojenter" har som mål å endre dette biletet i Sogn.
– Forsking viser at jentene treng eit ekstra dytt for å sjå at teknologiutdanning er nokon for dei. Difor er det av og til viktig å ha fokus på berre dei, seier forskar Torunn G. Hønsi frå Vestlandsforsking om arrangementet på ViteMeir 7. mars.

– Vi treng fleire unge som vel utdanningar og yrke knytt til teknologi, og då må vi få fleire jenter inn i teknologifaga, seier Hilde G. Corneliussen. Før jul starta ho og kollega Torunn G. Hønsi opp prosjektet "Teknojenter" saman med ei rekkje samarbeidspartar i Sogn.

Heilt tilfeldig oppdaga forskingsleiar Hilde G. Corneliussen at den nye fagboka hennar om kvinner sin veg til IT-sektoren var publisert. Boka hadde berre ligge ute i fire dagar, men var alt lasta ned av over 500 personar.
– Veldig kjekt, og heilt annleis enn å publisere vitskaplege artiklar, seier ho.

Kvinner har lenge vore i mindretal i teknologiorientert arbeid, også i likestilte Norden. Dette paradokset var utgangspunktet for eit femårig forskingssamarbeid med universiteta i Uppsala og Tampere.
– Eit av dei mest spennande funna våre er at kvinner finn ukonvensjonelle vegar inn i denne typen arbeid, seier seniorforskar Gilda Seddighi.

Hilde G. Corneliussen har fått opprykk frå forskar II til forskar I. Dette er høgaste faglege rangering i instituttsektoren, tilsvarande professor hjå universiteta. I seks år ved Vestlandsforsking har ho jobba i fagfeltet "teknologi og samfunn", med særleg fokus på kulturelle forståingar av kvinner og menn sine ulike relasjonar til IT.