Nettverksorganisasjonen har blitt kalla framtidas organisasjonsform. Dette er ikkje utan grunn. Nettverk har i mange samanhengar vist seg som ein effektiv måte å arbeide og samarbeide på både for individ, organisasjonar og bedrifter. IT-teknologi – særleg Internett – har bidrege vesentleg til utviklinga. I Sogn og Fjordane har det vokse fram ei rekkje sterke nettverk med mål å auke graden av innovasjon. Kanskje på grunn av næringsstruktur og spreidd geografi har det vore behov for og vilje til å ta i bruk nettverk som verkemiddel for verdiskaping og økonomisk vekst.

Innanfor forskingsområdet ”Brukarvennlege IT-system” har vi som namnet seier mykje fokus på ny informasjonsteknologi i bruk. Vi kjem ofte innom omgrepet Web 2.0 og ulike element i denne store samlinga av verktøy som Web 2.0 omfattar. Nokre av dei er har blitt nesten uunnværlege i dagleg bruk. Men det finst også uheldige sider ved desse nyttige verktøya.

Vestlandsforsking har i lenger tid vore involvert i eit bedriftsutviklingsprosjekt i INC Gruppen i Florø. Det handlar om å involvera dei tilsette meir, utnytta kunnskapen deira betre og få alle tilsette til å vera «litt seljar». På it-sida handlar det om intranett og personalsystem (Human Resource Management System, HRMS/HRIS).

Parkeringsordninga ved Fosshaugane Campus er miljøfiendtleg!

Eg har blitt hekta på søppel den siste månaden! Innhaldet har eg ikkje sett nærare på, men kanskje eg skal utvikla interessa framover... me får no sjå. Søppel i epost, spam, er eit stort problem. Det finst mange måtar på prøva å redusera søppelmengda, men felles for alle metodane er at dei ikkje er heilt sikre. Verre enn at søppel blir sleppt gjennom filtera er det at normal e-post blir merka som søppel. I det følgjande vil eg beskriva resultatet av ein månads observasjon av søppel i e-post.

"Crowdsourcing" er ein sentral del av web 2.0-ideen og er ein vri på "outsourcing". I staden for å setja arbeidet bort til ein ekstern leverandør, blir arbeidet sett ut til heile folket. Ein digital dugnad med andre ord.

Ja, eg samtykker og trykker Neste i det eg installerer nærast eitkvart program på datamaskinen. Dei fleste som har innstallert eit program på ein maskin kjenner seg sikkert igjen, men kva er det eg eigentleg samtykker i?

Funnet og tolkinga av fossilet "Ida" er ein sensasjon verda rundt. Den norske forskaren Jørn Hurum står i spissen for arbeidet og han har valt å publisera artikkelen i eit tidsskrift med open tilgang (Open Access).

Post- og teletilsynet (PTT) si opning for at private aktørar kan krevja utlevert brukaridentifikasjon av nettleverandørane, representerer ei farleg nettutvikling. Ei utvikling der politikarane synest å ha innteke stillinga som passive tilskodarar i beste fall, i verste fall har dei ikkje peiling på kva som føregår.

SINTEF har nyleg utarbeida rapporten eBorger 2.0 for Fornyings- og adm.dep. der dei tek for seg spørsmålet om brukargenerert offentleg informasjon. Spørsmålet er altså korleis brukarane eller innbyggjarane kan delta på ein slik måte at dei også skaper ein del av innhaldet på offentlege nettstader – også kalla delingskultur. Inntrykket mitt av rapporten er at den er skuffande overflatisk og lettbeint på dette viktige området.

Alle som driv ein nettstad har ei eller fleire gullårer. Dessverre blir desse i liten grad utnytta. Me snakkar sjølvsagt om brukarstatistikk.

Gjermund Lanestedt etterlyste i forrige nr. av Computerworld ein debatt om web 2.0 og konsekvensane for samfunnet. Eg har sendt dette innspelet til Computerworld, men i tilfelle det ikkje skulle bli teke inn, kan me jo bruka web 2.0-teknologien til å publisera det sjølve. Det er vel det web 2.0 inst inne handlar om. Dessverre er det ikkje muleg å finna Gjermund sitt innlegg på Computerworld for å lenka til det; der må CW skjerpa seg!

Ei av dei viktigaste endringane på nettet er utviklinga av opne grensesnitt (API) for utveksling av data. Gjennom slike grensesnitt kan data hentast ut utan å gå via nettsidene til tilbydaren. Dette er ei viktig utvikling for offentleg sektor som har store datamengder å dela, og det bør lagast retningslinjer og planar for denne typen opne grensesnitt.