Malin er forskar innan kunstig intelligens og ein del av undergruppa Stordata og framveksande teknologiar ved Vestlandsforsking. Malin er oppteken av teknologiutvikling, digitalisering, klimatilpassing, berekraft og andre dagsaktuelle tema i samfunn og i næringsliv. Ho har ei spesiell interesse for korleis løysingar som byggjer på kunstig intelligens kan brukast eller blir brukt i praksis, og kva for innverknad slik teknologi kan ha.

Malin avla doktorgraden sin i marin geologi og geofysikk ved UiT - Norges arktiske universitet i 2019. Der var ho del av forskingssenteret CAGE, The Centre for Arctic Gas Hydrate, Environment and Climate, der ho analyserte undervassdata for å auke innsikta i utslepp av naturlege metangassar og klimaendringar. Ved CAGE har ho òg vore sentral i utviklinga av time lapse-metodikk (4D) for høgoppløyselege seismiske data. Før doktorgraden, i åra 2013 til 2015, arbeidde ho i selskapet Baker Hughes, der ho hadde ansvar for datainnsamling og overvaking av boreoperasjonar. Ho har difor lang erfaring med innsamling, overvaking og prosessering av store datamengder.

Orcid: https://orcid.org/0000-0002-9661-9638