Prosjektet skal utvikle og demonstrere korleis analysere klimarisiko i ein kommune med utgangspunkt i det etablerte nasjonale systemet for rangering av kommuar etter fysisk klimarisiko. Prosjektet vil omfatte tre typar klimarisiko:

   I. Lokal fysisk klimarisiko: Lokale konsekvensar for natur og samfunn av lokale klimaendringar.

2. Grenseoverskridande klimarisiko: Lokale konsekvensar av klimaendringar i andre land.

3. Overgangsrisiko: Lokale konsekvensar av endringar i politikk og teknologi som gjeld spørsmålet om reduksjon av klimagassutslepp og/eller fangst og lagring av karbon.

Kommunane som inngår i Sognarådet (Vik, Sogndal, Aurland, Lærdal, Årdal og Luster) vil få tilbod om å få praktisk bistand frå Vestlandsforsking til å få gjennomført ei klimarisikoanalyse avgrensa til dei typane klimarisiko som kommunane finn relevant. Det er avgjerande at analyse-arbeidet vert knytt til relevante lokale styrings- og planprosessar.