Bjørn Christian Weinbach har vore forskar ved Vestlandsforsking sidan august 2022 og starta som stipendiat i informatikk i januar 2023. Han har ein bachelor i ingeniørfag frå NTNU i Gjøvik og ein master i datateknologi frå Universitetet i Stavanger. Bjørn Christian sitt faglege fokus ligg i skjæringspunktet mellom kunstig intelligens, datasyn og marin økologi.

Doktorgradsarbeidet hans handlar om å utvikle AI-drivne metodar tilpassa undervassmiljø for å forbetre økologisk overvaking. Målet med forskinga er å bidra til utviklinga av skalerbare AI-verktøy for å overvake biomangfald i havet, med praktisk bruk i bevaring av sårbare økosystem som dei norske fjordane. Bjørn Christian har eit breiare fagleg engasjement innan maskinlæring, anvendt statistikk og økologisk informatikk. Forskinga hans er motivert av eit ønske om å nytte kunstig intelligens til å støtte berekraftige miljøpolitiske avgjerder og initiativ som Naturavtalen.

I tillegg til forskinga si er Bjørn Christian oppteken av at teknologi skal vere ein demokratisk ressurs, og han fremjar medvit om korleis data og KI påverkar samfunnet i dag.

ORCID: https://orcid.org/0000-0002-9812-1008
Google Scholar: https://scholar.google.com/citations?user=6JvdSmsAAAAJ&hl=en&oi=ao