Kjersti har bachelorgrad i økonomi frå Queensland University of Technology (Brisbane, Australia) med fordjuping innan bank, finans og fondsforvaltning. I 2021-2022 gjennomførte ho leiarutviklingsprogrammet Solstrand Accelerate gjennom AFF.

Kjersti har bakgrunn innan revisjon og økonomistyring. I perioden 2010-2023 var ho tilsett i Lerum-konsernet der ho dei siste fem åra hadde rolla som økonomidirektør. I tillegg har ho tidlegare arbeidserfaring som styresekretær, revisormedarbeidar og økonomikontroller. I 2024 var ho økonomisjef i Sogndal kommune.

Av eksterne verv er Kjersti styremedlem Sparebankstiftinga Sogn og Fjordane (2022-) og styreleiar i Sogndal Folkehøgskule (2023-). I 2021-2023 var ho medlem i styret i Sogn U40.

Kjersti er prosjektøkonom i Vestlandsforsking. Ho har ansvar for overordna økonomistyring av prosjektporteføljen og bistår forskarane med budsjett, økonomioppfølging og kontraktsarbeid.