Regional utvikling

Vestlandsforsking har sidan 1985 forska på tema, tenester og næringar som er viktige for utviklinga av fylket. Regional utvikling vert til i eit samspel mellom politikk, næringsliv og forsking og utdanning. Omstilling i teneste- og produktutvikling er sentralt og ofte bygd på nytenking knytt til miljø- og naturressursane fylket er så rikt på. Menneska i regionen er sentrale, med sin kompetanse, si arbeidskraft, sin kultur og identitet. Næringsutvikling, tenesteutvikling, innovasjon, stadutvikling og demografi er tett samanvevde.

Vestlandsforsking deltek i utviklingsprosessar og nettverk, gjer evalueringar og analyserer føresetnader og ringverknader. Vi har særleg bidrege med kunnskap knytt til regionale IKT-satsingar, og då ofte utvikla læring basert på regionale, nasjonale og internasjonale samarbeid.