I desember 2025 var Ragnhild Freng Dale og Karen Richardsen Moberg på feltarbeid i Nord-Troms med prosjektet Enabling Land Use Justice, som handlar om rettferdig bruk av areal. Feltarbeidet fann stad i Kvænangen kommune – Návuona suohkan på nordsamisk og Naavuonon komuuni på kvensk. 

Forskar Ellen Marie Jensen er engasjert gjennom prosjektet sin lokale partnar, Árres, for å utføre forskinga saman med Vestlandsforsking.

I prosjektet ser forskarane på bakgrunnen for at kommunestyret ikkje gjekk vidare med vindkraftplanar i 2023, og kva som er viktig for vidare arealbruksplanar lokalt. Ragnhild og Karen blei tekne godt imot og hadde lærerike dagar med feltarbeid.