Webinarrekke med aktuelle tema for reiselivet
Kunnskapssenter for berekraftig reiseliv inviterer til fem webinar som tek opp problemstillingar som reiselivet i Noreg står ovanfor, med relevans for reiselivsaktørar, kommunar, lokalbefolkning, forskarar, politikarar og andre. Airbnb, hyttar, villrein, slitasje på natur og cruise står på programmet våren 2026.
Plan for webinarrekka:
24. mars kl. 12.15-13.00: Korleis kan reiselivskommunar handtere korttidsutleige og utfordringane det skapar?
Korttidsutleige gjennom plattformar som Airbnb aukar kraftig i Norge, også på Vestlandet. Utviklinga gir nye moglegheiter for verdiskaping, men skapar òg utfordringar for lokalmiljø, bustadmarknad og planlegging. Korleis kan kommunane regulera innanfor dagens regelverk? Alexandra Meyer frå Vestlandsforsking presenterer funn om utfordringar og handlingsrom, og byggjesaksbehandlar Stefan Karlstrøm deler erfaringar frå praktisk reguleringsarbeid i Aurland.
April (dato kjem): Korleis kan hyttebygging styrkje lokal verdiskaping og gi varige ringverknader?
Det blir bygd stadig fleire og større fritidsbustader i Noreg, ofte samla i tettbygde felt og knytte til etablerte reiselivsdestinasjonar. Slik utvikling kan gi auka aktivitet, arbeidsplassar og forbruk lokalt. Samstundes viser forsking at store delar av verdiskapinga i nybyggfasen går til eksterne aktørar. Korleis kan kommunar og næringsliv leggje til rette for at meir av verdiane blir verande i lokalsamfunnet – også etter at hyttene er bygde? I dette webinaret møter du Idun A. Husabø i samtale med Sverre Landmark, styreleiar i Sogndal Skisenter Eigedom, og Alexandra Meyer frå Vestlandsforsking.
16. April kl.12.15-13.00: Reiseliv i villreinområde
Det naturbaserte reiselivet er i vekst, og friluftslivet opplever auka interesse. Det fører til meir ferdsel i villreinområda, noko som kan føre til meir stress, flukt, redusert beitebruk og fragmenterte leveområde for den allereie sårbare villreinen. Over tid svekker dette både dyra si helse og bestandane si evne til å overleve. I dette webinaret ser vi på kva for tiltak vi kan gjere for at ferdsel i villreinfjellet kan vere minst mogleg forstyrrande for villreinen. Haaken Christensen (Spor) leiar webinaret.
Sjå webinaret her
21. Mai kl.12.15-13.00: Populære turmål, korleis leggje til rette for auka ferdsel?
Auka ferdsel og bruk av natur til både reiseliv og friluftsliv aukar behovet for å finne balansen mellom naturforvalting og besøksstyring. Konsekvensen av auka ferdsel er ofte meir slitasje på stiar og vegetasjon, forstyrring av dyreliv og behov for meir informasjon og tilrettelegging. I tillegg er det mange uerfarne turgåarar på fleire turmål, kombinert med at klimaendringane bidreg til at slitasjen aukar. I dette webinaret ser vi på korleis vi kan drive god besøksforvaltning knytt til populære stiar og naturbaserte attraksjonar. Haaken Christensen (Spor) leiar webinaret.
Sjå webinaret her
Juni (dato kjem): Økonomiske ringverknadar av cruiseturismen på Vestlandet
Det har vore ei kraftig auke i tal cruisepassasjerar som kjem til bygdene på Vestlandet dei siste åra. Turistane vil ut av skipa for å sjå og oppleve attraksjonane i regionen. Dei ulike utfluktene genererer inntekter, men mange ulike aktørar er involverte frå turisten bestiller reisa til utflukta er gjennomført, og det varierer kor pengane blir liggande att. I eit planlagt prosjekt skal Vestlandsforsking utforske korleis utfluktene blir organisert i ulike hamner på Vestlandet, og sjå nærare på korleis organiseringa påverkar økonomiske ringverknader for lokalsamfunna. Bård Huseby og Eivind Brendehaug delar deira erfaringar i webinaret.
Sjå webinaret her
Erfaringar frå Sogn
Dei ulike temaa har dukka opp i forbindelse med fleire forskingsprosjekt som kunnskapssenter for berekraftig reiseliv og Vestlandsforsking har gjennomført. Kunnskapssenteret står mellom anna bak ei tolegrenseanalyse for dei seks kommunane i Indre Sogn og Høyanger.
– Vi har valt ut tema som vi opplever at mange er opptekne av om dagen, og som har høg relevans også utanfor Sogn, fortel Kristin Løseth, leiar for kunnskapssenteret.
