Giftig avfall Avfall frå elektronikkprodukt, som til dømes PC-ar og mobiltelefonar, utgjer eit aukande trugsmål mot helse og miljø, særleg i land som Kina og India. Trass i viktige framsteg for utfasing av dei viktigaste miljøgiftene i elektronikkprodukt (t.d. bly og brom), trengst det meir kunnskap om meir miljøvenlege alternativ til dagens produkt. Prosjektet vil bidra til utvikling av slike alternativ.   Koordinator Samarbeidspartnerane i prosjektet, med namnet EC-GEPRO (Europe-China Cooperation in Green Electronics Production Research), er universitet, institutt og industriverksemder i Polen, Storbritannia, Sverige, Norge og Kina. Vestlandsforsking er koordinator for prosjektet, som har eit budsjett på 8 millionar kroner.   Vidare samarbeid Prosjektet går over 2 år, og skal danne grunnlaget for vidare forskingssamarbeid mellom Kina og Europa knytt til miljøvenleg elektronikk. Som del av prosjektet vil det bli oppretta eit utvekslingsprogram for studentar og forskarar i Kina og Europa, eit senter for forsking på miljøvenleg elektronikk i Shanghai. I tillegg vil det bli arrangert internasjonale konferansar og seminar om fagfeltet.   Prosjektleiar: Dr. Otto Andersen Prosjektmedarbeidar: Idun Husabø Anderssen