Internseminaret til miljøgruppa i april 2008 var lagt til Finsehytta. Den interne delen av programmet fokuserte på berekraft-omgrepet og det kommunale miljøvernet si historie. Tre forskarar frå Bjerknes senter for klimaforsking i Bergen deltok på den eksterne delen av programmet. Her var temaet uvisse i klimaforskinga, og utfordringar knytt til å forstå og formidle forskingsresultat med eit stort innslag av ulike former for uvisse. Vestlandsforsking presenterte òg ferske resultat frå eit prosjekt knytt til naturskade og kommunane sitt ansvar.