Mikroplast, hatprat på nett, overturisme, helsekrisa i Gaza og friluftsliv som medisin, er stikkord for noko av det Vestlandsforsking tek opp under Forskingsdagane i år. Årets første arrangement blir Vitenkveld på ViteMeir fredag 20. september, deretter Speedforsking på Campus Sogndal 26. september. Laurdag 28. september Vestlandsforsking sin stand på Amfi Sogningen. Der kan du lære om Sognefjorden si helse og andre aktuelle tema frå forskinga vår, i møte med forskarar frå Vestlandsforsking.

Vestlandsforsking var sterkt til stades under Arendalsuka 2024, med seks arrangement om klima og miljø. På eitt av dei deltok statsråd Andreas Bjelland Eriksen. – Arendalsveka gav oss eit godt høve til å formidle forskinga vår, og vi er særs nøgde med deltakinga på arrangementa våre, seier direktør Anne Karin Hamre.

Klimathon 2024 byr på to dagar med diskusjonar, idéutveksling, påfyll og nye kjennskap i skjeringspunktet mellom kulturarv og klimakrise. Norsk senter for berekraftig klimatilpassing er blant arrangørane.

Noradapt har for andre år på rad rangert klimainnsatsen til norske kommunar. Den viser at dei kommunane som er mest påverka av klimaendringar, også er dei som gjer mest for å tilpasse seg.

– Vi treng meir heilskapleg kunnskap om korleis endringar i arealbruk verkar inn på naturen og om korleis vi kan innrette arealbruken vår for å løyse klima- og naturkrisa, seier seniorforskar Kyrre Groven. Funnet kjem fram i ei kunnskapsoppsummering Vestlandsforsking har gjort for Forskingsrådet.

Noradapt og Vestlandsforsking er til stades på Arendalsuka 2024, og på eit arrangement 15. august tek vi opp kor vidt Noreg har auka innsatsen i klimatilpassinga etter dei store øydeleggingane under “Hans” og utgjevinga av den andre stortingsmeldinga om temaet. Senterleiar Carlo Aall og Vestlandsforsking-direktør Anne Karin Hamre inviterer nasjonale nøkkelpersonar til debatt.

Forskingsleiar Halvor Dannevig er utnemnd til medlem av regjeringa sitt ekspertutval for samfunnsøkonomiske konsekvensar av klimaendringar i Noreg.

Populære reisemål for cruiseturistar har hyra Vestlandsforsking til å skaffe kunnskap om kor mykje cruiseturisme staden bør legge opp til. I arbeidet med kunnskapsgrunnlaget, ser forskarane på meir enn klima og miljø. Kva lokalsamfunnet ønskjer seg, er òg ein del av biletet.
– Der reiselivet før la mest vekt på kva turistane ville ha, tenker ein no òg på kva innbyggjarar og andre i reisemålet ønskjer, seier seniorforskar Agnes B. Engeset.

Ein aktiv fylkeskommune er avgjerande for klimatilpassingsarbeidet i kommunane, viser ny forsking frå Noradapt.

Med utgangspunkt i industrikommunen Årdal skal Vestlandsforsking bidra til å utvikle ein ny, samla metode for å vurdere risikoen som følgjer med klimaendringar, tap av naturmangfald, og omstilling av samfunnet.
– Så vidt vi har klart å finne ut, er det aldri laga en slik metode før, seier Noradapt-leiar Carlo Aall.

Noradapt har utvikla eit nytt verktøy som viser kor langt ein har kome i arbeidet med klimatilpassing i i ulike delar av samfunnet. Bror Kristian Tandberg ved Vestlandsforsking presenterte tenesta på den nasjonale konferansen #Klimaomstilling2024 i Sogndal 23. april.