Teknologi og samfunn

I gruppa teknologi og samfunn forskar vi på digitalisering og teknologi i samfunnsperspektiv. Vi er 13 forskarar som jobbar i tverrfagleg samarbeid mellom informatikk og teknologifag, realfag, samfunnsfag og humanistiske fag.

Hovudområda er knytt til tema som stordata og nye teknologiar sine bidrag til innovasjon i næringslivet og grøn omstilling; utforsking av korleis digitalisering kan gjere offentlege tenester betre, meir effektive og tilgjengeleg; digitalisering som verkemiddel i regional utvikling; og studiar av kjønn og mangfald i eit stadig meir digitalisert samfunn og arbeidsliv.

Teknologi og samfunn har nært samarbeid med regionale og nasjonale aktørar i privat og offentleg sektor. Vi samarbeid med forskarar i nasjonale og internasjonale nettverk etablert gjennom ei lang rekke prosjekt.

 

Publikasjonar

Prosjekt

Artiklar

  • Oppstartmøte i Teknojenter - alle står i trappa

    – Vi treng fleire unge som vel utdanningar og yrke knytt til teknologi, og då må vi få fleire jenter inn i teknologifaga, seier Hilde G. Corneliussen. Før jul starta ho og kollega Torunn G. Hønsi opp prosjektet "Teknojenter" saman med ei rekkje samarbeidspartar i Sogn.

  • Portrett av Anne Karin Hamre og Rajendra Akerkar utandørs

    Kan vi ta i bruk kunstig intelligens for å ta betre avgjerder i situasjonar som er kritiske for samfunnet? Dette er kjernen i eit senter Vestlandsforsking og 20 partnarar ønskjer å skipe i Sogndal. Søknaden som nyleg gjekk til Forskingsrådet er ein av 50 søknader på milliarden regjeringa har sett av til eit knippe nye KI-senter.

  • Tjue forskarar i ulike aldrar står framfor eit snødekt fjell på Vestlandet og ser i kamera medan dei smiler. Eit hotell kan skimtast på sida bak dei.

    Talet på forskarar innan teknologi, robotikk og kunstig intelligens har mangedobla seg ved Vestlandsforsking og Høgskulen på Vestlandet dei siste seks åra, takka vere prosjektet Teknoløft Sogn og Fjordane.

  • robot njøs

    Landbruket om 20 år vil ikkje sjå ut som dagens landbruk. Bærdyrkarane er blant dei som står på terskelen til den nye tida, der menneska spelar ei mindre rolle og robotane gjer stadig meir.
    – Det er eit stort potensial for å digitalisere og robotisere, fortel Øyvind Heimset Larsen ved Vestlandsforsking.

  • stand

    Born og ungdommar bryr seg om korleis det går med fjorden vår og skapningane som lever der. Då forskarar frå Vestlandsforsking stilte på Amfi Sogningen ein laurdags føremiddag for å fortelje og forklare, møtte dei ein jamn straum av nyfikne, kunnskapstørste ungar, med foreldre og besteforeldre. Blant aktivitetane forskarane baud på, var å lage plastilinadyr til ein modell av fjorden.
    – Ungane er framtida vår, og det er viktig at vi òg vender oss til dei når vi snakkar om klima og miljø, seier direktør Anne Karin Hamre.

  • Forskingsdagane 2024

    Mikroplast, hatprat på nett, overturisme, helsekrisa i Gaza og friluftsliv som medisin, er stikkord for noko av det Vestlandsforsking tek opp under Forskingsdagane i år. Årets første arrangement blir Vitenkveld på ViteMeir fredag 20. september, deretter Speedforsking på Campus Sogndal 26. september. Laurdag 28. september Vestlandsforsking sin stand på Amfi Sogningen. Der kan du lære om Sognefjorden si helse og andre aktuelle tema frå forskinga vår, i møte med forskarar frå Vestlandsforsking.