Ole Inge Gjerald

Arbeidsfelt

• fornybar energi
• miljø- og klimaforsking
• organisasjonsutvikling i offentleg og privat verksemd
• offentleg politikk og administrasjon

Profil

Ole I. Gjerald er utdanna cand.polit. med hovudfag i statsvitskap frå Universitetet i Oslo (UiO), og med mellomfag i historie og sosialøkonomi i sin fagkrins. Medan han var hovudfagsstudent (1998-2000), var han også tilsett som vitskaps-/forskingsassistent ved Institutt for statsvitskap (ISV). Her var han m.a. sekretær for instituttet sitt forskingsbidrag til NOU 22:2000 'Oppgavefordelingen mellom stat, region og kommune', og medforfattar på forskingsrapport 01/2000 'Fylkeskommunen som utviklingsaktør - handlingsrom og legitimitet'. Hovudoppgåva hadde tittelen 'Innovasjon og leiarskap i fylkeskommunen'. Etter fullført utdanning ved UiO fordjupa han seg i 'Nye arbeids- og leiingsformer i offentlig forvaltning' gjennom Master of Management-programmet ved Handelshøgskulen BI, Oslo.

I åra 2000-2006 var han tilsett som rådgjevar hjå fylkesrådmannen i Sogn og Fjordane. Her var han m.a. leiar og sekretær for fleire organisasjonsutviklingsprosjekt. Balansert målstyring, teamorganisering, ny politisk og administrativ organisering samt mål og strategiar for vidaregåande opplæring var mellom dei prioriterte arbeidsområda. I 2006-07 var han tilsett som prosjektleiar for evalueringsprosjektet 'Parlamentarisme på regionalt nivå' ved Vestlandsforsking. Etter eitt år som prosjektleiar i Sogn og Fjordane fylkeskommune, kom han hausten 2008 attende til Vestlandsforsking som PhD-stipendiat.

Doktorgradsarbeidet er ein del av programmet 'Renewable strategies? Implementing and commercialising new energy technologies', og vert gjennomført ved NTNU, Trondheim. Det er ei målsetjing å utvikle kunnskap om barrierar og suksesskriterium for utvikling, produksjon og bruk av ny fornybar energi-teknologi i offentlege og private verksemder.