Fritidsforskinga ved Vestlandsforsking kretsar om to tema: fritidsforbruk og friluftsliv.
Med fritidsforbruk meiner vi forbruket knytt til den frie tida, som i denne samanhengen har blitt definert ut frå begrepspara arbeidstid/fritid og bunden/ubunden tid. Vi har også fokusert på bustaden som arena for fritidsforbruk. Miljøbelastning ved fritidsforbruket kan målast i form av energiforbruk per krone eller tidseining brukt på dei ulike aktivitetane, eller i termar som økologisk fotavtrykk.
Friluftslivsforskinga gjeld reisevanar og -preferansar ved utøving av friluftsliv. Vi tematiserer også berekraftsdimensjonen ved rekreasjonsbruk av utmark.
