Ved Vestlandsforsking er det ledige stillingar som seniorforskar og forskar på klima- og miljøområdet. Vi søkjer etter tverrfagleg orienterte forskarar med kunnskap innafor eitt eller fleire forskingsområde:

• berekraftig utvikling
• klimapolitikk og klimatilpassing
• industriell økologi
• energi
• transport og miljø

Du må trivast med å arbeide med oppdragsforsking.  Som seniorforskar vil det vil bli lagt vekt på formell kompetanse, vitskapleg publisering og anna dokumentert forskingsinnsats, personlege eigenskapar og nettverk. Jobben som forskar krev masterutdanning.  I begge jobbane legg vi vekt på gode kommunikasjons- og samarbeidsevner, arbeidskapasitet, og evne til å inngå i faglege fellesskap på tvers av disiplinar. Du vidare ha god munnleg og skriftleg formuleringsevne både på norsk og engelsk.

Vi tilbyr fagleg interessante og utviklande oppgåver, godt arbeidsmiljø, gode samarbeidsnettverk, fleksibel arbeidstid, bedriftsidrettslag, gode pensjons- og forsikringsordningar og gode velferdsordningar.

Lønn etter avtale. Arbeidsstad er Sogndal.

For nærare informasjon om stillinga:
Forskingsleiar Carlo Aall, tlf: 99127222, e-post: caa@vestforsk.no
Direktør Merete Lunde tlf: 99607678, e-post: ml@vestforsk.no

Send søknad med CV og publikasjonsliste elektronisk til: post@vestforsk.no

Søknadsfrist er  20. april 2015 for stilling som seniorforskar og 3. mai for stilling som forskar

Vestlandsforsking er eit forskingsinstitutt som utfører forsking og utvikling for næringsliv og offentleg sektor. Vi er 25 personar i eit spennande fagmiljø som arbeider med forsking innan klima, miljø, energi, IKT regional utvikling og reiseliv. Instituttet blei etablert i 1985 og har 30-års jubileum i år. Vi har lange tradisjonar med internasjonalt forskingssamarbeid, og vi utfører både regionale og nasjonale forskingsoppdrag. Vi held til ved Fosshaugane Campus i Sogndal i Sogn og Fjordane. Her er vi lokalisert i eit aktivt og innovativt miljø med både forsking, utdanning, idrett og entreprenørskap. Sogn og Fjordane er kjend for fantastisk natur og gode forhold for aktivt friluftsliv sommar som vinter.