"Policyintegrering" vil seie at eit overordna organ, t.d. Næringsdepartementet, utformar krav om at andre departement og kommunar og fylkeskommunar skal oppfylle gitte mål (t.d. målet om eit berekraftig reiseliv). I artikkelen nyttar forfattarane eksempel frå Norge og Sogn og Fjordane til å drøfte kritiske faktorar for at målet om eit berekraftig reiseliv skal bli integrert i og fulgt opp av ulike sektorar i samfunnet. Artikkelen konkluderer med at fråveret av eit nasjonalt organ som set berekraftmålet på dagsorden med tilstrekkeleg styrke, truleg er den største hindringa for å nå målet om eit berekraftig reiseliv.