Vestlandsforsking med god utteljing i EU-prosjekt
Forskingsrådet har delt ut midlar til dei forskingsinstitutta som har lukkast med å få forskingsprosjekt i EU. Vestlandsforsking er eit av dei få institutta som blir tildelt midlar av det som blir kalla STIM-EU.
STIM-EU er ei ordning som skal stimulera norske forskingsmiljø til meir internasjonal aktivitet gjennom å delta i EU-finansierte forskingsprosjekt. Forskingsprosjekt som når opp i den harde kampen om EU-midlar, får normalt 75 % finansiering frå EU. Forskingsrådet yter ei tilleggsløyving for å delvis fylla opp den manglande fullfinansieringa.
Midlane for 2014 er no fordelte og lista over forskingsmiljø som har motteke, ser slik ut:
Arena |
Institutter |
Fordeling av midler mellom arenaene |
Miljøinstituttene |
Nansensenteret, Norsk institutt for luftforskning og Norsk institutt for vannforskning |
2,6 % |
Primærnæringsinstituttene |
Institutt for skog og landskap |
0,1 % |
De samfunnsvitenskapelige instituttene |
NTNU samfunnsforskning, PRIO og Vestlandsforskning |
10,2 %
|
De teknisk-industrielle instituttene |
Institutt for energiteknikk, MARINTEK AS, SINTEF Petroleum AS og Stiftelsen SINTEF |
77 % |
Øvrige institutter |
Meteorologisk institutt, Folkehelseinstituttet, NIFES, Norges geologiske undersøkelse, Norner Research, Statens institutt for forbruksforskning, SIMULA og UNI Research. |
10 % |
Vestlandsforsking er eitt av tre samfunnsvitskaplege institutt som får tildelt midlar, og det einaste av dei regionale institutta som får tildelt midlar for 2014.
Meir på Forskingsrådet sine nettsider