Ved Vestlandsforsking er det ledig stilling som forskar innan velferdsteknologi. Vi har for tida god prosjektinngang, og treng å styrke IT-gruppa med ein forskar. Vi samarbeider med alle kommunane i Sogn og Fjordane om velferdsteknologi og vi er med i internasjonale FoU-prosjekt på området. Forskingsaktiviteten vår er retta mot framtidas velferdsteknologi og særleg integrering av teknologiske løysingar i tenestetilbodet.

Vi søkjer etter ein dyktig og motivert medarbeidar med relevant utdanning på master- eller doktorgradsnivå og erfaring med IKT innan helse/velferdsteknologi, og med kompetanse og interesse for innovasjon og innovasjonsprosessar i privat og offentleg sektor.

Arbeidsoppgåver som ligg til stillinga er gjennomføring av forskingsprosjekt, publisering og formidling av forskingsresultat og  utvikling av nye prosjekt og prosjektsøknader

Du må trivast med å arbeide med oppdragsforsking.  Det vil bli lagt vekt på formell kompetanse, vitskapleg publisering og anna dokumentert forskingsinnsats, personlege eigenskapar og nettverk. Vi legg vekt på gode kommunikasjons- og samarbeidsevner, arbeidskapasitet, og evne til å inngå i faglege fellesskap på tvers av disiplinar. Du må vidare ha god munnleg og skriftleg formuleringsevne både på norsk og engelsk.

Vi tilbyr fagleg interessante og utviklande oppgåver, godt arbeidsmiljø, gode samarbeidsnettverk, fleksibel arbeidstid, bedriftsidrettslag, gode pensjons- og forsikringsordningar og gode velferdsordningar.

Stillinga er knytt til IT-gruppa ved instituttet som har 10 medarbeidarar med mellom anna velferdsteknologi, e-helse, digitalisering, stor-data (big data) og innovasjon som forskingsområde.

Lønn etter avtale. Arbeidsstad er Sogndal.

For nærare informasjon om stillinga:
Forskingsleiar Ivar Petter Grøtte, tlf: 90828418, e-post: ipg@vestforsk.no
Direktør Merete Lunde tlf: 99607678, e-post: ml@vestforsk.no

Send søknad med CV og publikasjonsliste elektronisk til: post@vestforsk.no

Rettkjende kopiar av vitnemål og attestar/anna dokumentasjon sender du til: Vestlandsforsking, Postboks 163, 6851 Sogndal

Vestlandsforsking er eit forskingsinstitutt som utfører forsking og utvikling for næringsliv og offentleg sektor. Vi er 25 personar i eit spennande fagmiljø som arbeider med forsking innan klima, miljø, energi, IKT, innovasjon og reiseliv. Instituttet vart etablert i 1985 og har 30-års jubileum i år. Vi har lang tradisjon med internasjonalt forskingssamarbeid, og vi utfører både regionale og nasjonale forskingsoppdrag. Vi held til ved Fosshaugane Campus i Sogndal i Sogn og Fjordane. Her er vi lokalisert i eit aktivt og innovativt miljø med både forsking, utdanning, idrett og entreprenørskap. Sogn og Fjordane er kjend for fantastisk natur og gode forhold for aktivt friluftsliv sommar som vinter.